Iwi i Message wa da pynpoor ki bru ha WhatsApp nadooh ynni i miet wa em uwi u bru tymmen uwa biej uwa na ka chnong Nartiang uwa chong wa sah ha Wahiajer da dait bru u kamwa dait u ksaw wei da em 26 ngut kiwa da dep u wow dait du ha chnong Nartiang.
Hawa pyrchang wow pynsakhiat yeini, da yaklam wa u waheh chnong ka Wahiajer, u SP ka West Jaiñtia Hills wa u heh ka Nartiang Police Station kiwa da pyntip wym em kam ini kiwa chah dait kamjooh leh u bru wa dait ya ki bru.
Neiliang u F. Basan uwa man kam u Magistrate ka West Jaiñtia Hills da pyntikna u leh wym em kam ini wei ini waroh toh du ka khubor hamsaya wei ym uwon uwon u bru wa wan chakhmat wa chah dait næ wa ujor.
Da kyntu leh ya ki paidbah wym toh u hær rgnu neibhah ini toh em kiwa lehke donhi iwa da pynkulmar ya ki paidbah.
Discussion about this post