Ynne i janmiet ka 30 tarik, ki paidbah ha ka thaaiñ Khyndailad (PB) da hær rngu ki hadien wa da em i pdung wa rap joor hajan ka dukan Delhi Mistan. Da yoh yutip wa ini i pdung da jia i heipor 6 waje hadoo 6 chiteiñ.
Hawa pyrchang wow yaklam wa u Superintendent of Police ka East Khasi Hills hajrong itai i jia, ym em u yohlaad wow yoh yutip deiwa paka neiyi i daw wa mih i pdung, tangwa katkam i dak wa da mih, da suba toh ye u man u Bomb IED wei i thaw pdung toh na tre thaw psiah chapoh ki dukan wa em hajan ka Delhi Mistan.
Mar ya yoh yutip ya ini i jia, ki pulit deilang wa ki Bomb Squad da poi ki cha katai ka thaw wei da khang noh ya ki luti wa lai lyngba yow pynman ya ka takit kawa bniah.
Hadooh wa wanrah ya kani ka khubor ym pu ye wow yoh yutip da iwa tikna lada em kiwa mynsoo na ini i jia wei hadooh katwon da ktah ini i pdung.
