Jowai: Ka Jaiñtia Students’ Union, Shillong Circle daw pynman ko yaka yachem lang namo ka Social Meet kawa tip kam ka “All Jaiñtia Meet-2019” heiwa da em leh ka saam khusnam cha kiwa da lehbha ha ka Sports wa haka puræ puthi wei daw leh ki kaam pynwyrngia kam ki pynyoo rong yaka dustur riti ka kiwi kiwi wei ka phang kani ka yalang toh, “Chirup u yakreh lang yow bet u chara ia ka mynried” ka wow pynman haka 09-11-19 ha Anton Hall, Laitunkhrah Shillong.
U kongsan ha katai ka sngi toh u Kyrmen Shylla, u montri sorkar wa u symbood kongsan u MLA ka Jowai Constituency, u Wailadmiki Shylla wei daw man leh u bru chemphang u Toki Blah, Retd. IAS.
Kamtæ ka Union da khut lang ko ya waroh ki paidbah na ri-loom Jaiñtia wow wan cha kani ka All Jaiñtia Meet yow pynyoo yaka yatylli ki paidbah ka ri-loom Jaiñtia wa sah ha Shillong wa ha East Khasi Hills District wei wow sakhi leh yei sap ki khynroo khyllood.
Ka JSU da khut ko leh ya kiwi ki Students’ Union kiwa naka thaaiñ mihsngi ki em ha Shillong cha kani ka yalang yow pynman yaka waka jop wa kawa phooh wa phieñ.
Discussion about this post