Haka U-19 Cooch Behar Trophy emkaam ka Meghalaya 212 Run yow jop yaka Bihar

Shillong: Ka Meghalaya da emkaam ko sa 212 Run deiwa sah sa 7 Wicket ha kti yow jop yaka Bihar haka U-19 Cooch Behar Trophy wa pynman ha Tezpur.

Deiwa pteiñ neiwa ieh ki ynnin da 34/0 haka Innings wa nyngkong, ynne kawa man leh ka sngi wa le, ka Meghalaya da chah pynhaap lut ki Wicket ko deiwa kamai ko da 136 Run hawa jubab ya iwa kamai ka Bihar haka Innings wa nyngkong iwa 258 Run. U Hrithik Sharma da kamai boon dooh u da 37 Run yaka Meghalaya.

Deiwa tam da 122 Run, ka Bihar da yooluti ko wow booh thong da iwa khor yaka Meghalaya, tangwa kiwa kawang bol da pynhaap ki 5 tylli ki Wicket ka Bihar deiwa kamai ko 32 Run, soo tylli na kini da yoh u Abhishek Yadav (4/27) wa chi Wicket ya u Aaron Nongrum (1/22). U Bipin won da pynhaap u ya ki Wicket wa sah ka Bihar deiwa yoh 5/26 yow pynkut yei kamai Run ka Bihar da 129.

Related posts

4th T20 Cricket Tournament: Jop ka Goodwill ha ka Quarter Final wa nyngkong

February 11, 2026

T20 Cricket Tournament: Jop ka Goodwill CC wa ka Laphet CC

February 9, 2026

Kamtæ da booh yaka Meghalaya 252 Run yow jop ko wei da jubab ko da 40/3 hadooh wa kut ka yalehke ynne ka sngi.

Haka U-23 Col CK Nayudu Trophy, ka Meghalaya da pynhaap lut ko ya ki wicket ka Mizoram hadien wa kamai ko da 314 Run haka Innings wa nyngkong hadien wa pteiñ ko da 287/6 ynne i step.