September 27, 2022
Hadien wa ki chi payu wa sah wai ha Mookymphad Mihmyntdu da ujor ki pyrchah ya ki bru wa emkti u wan dat ya ki hei yung wai wa sah ki haka miet ka 25 tarik uni u bnai du neidaw wa yania ki chi payu, kamtæ ynne ka sngi won dapoi ki chei yahun yasuk hadien i yaklam sñiawthooh yumut hakhmat ki bor ka aiñ ha Jowai Police Station wada emlang leh kiwa yahkhmat ka seiñ All Hynniewtrep People United Front.
Neiliang u Dame Phawa waka Elut Phawa da pynche haroh ki yei bakla bru ki, deiwa ong wa hanpaya u Ohi Shylla uwa man u Secretary Dong Mookymphad Mihmyntdu uwa da wan lang ha katai ka miet oo ym em u tba kti næ dat u ki tangwa toh kiwi tawon wa lai lang wa oo.
Heiyatoh wa ini, neiliang ka seiñ All Hynniewtrep People United Front leh da sneiñ da kyntu ko ya waroh arliang yow man ki kiwa yasuk yasaiñ khlem em iwon iwon i ksohnood hadien habood.
Wei kyntu ki leh wym hoi de u jia kam ini neini chakhmat khamtam na kiwa yahkhmat chnong, heiwa lada em iwon iwon i awri awra hapoh chnong pohthaw leh toh u pait u bichaar ki daka luti ka aiñ klem em i ñiaw chiliang chah chiliang.
