U Montri Rangbah ka jylla, u Conrad Sangma ynne da lai pyntip u ha u Justice Arun Kumar Mishra, uwa man leh kam u Chairperson ka National Human Rights Commission (NHRC) deiwa emlang ki dkhot ka NHRC wa u Symbood Montri Rangbah ka jylla, u Prestone Tynsong yeiwa chah sait yap ki 6 ngut ha Mukroh
U Montri Rangbah da ong u wa ini toh iwa che kdar wa da tyngkheiñ yei hok manbru namo ka Human Rights. Da khana u leh yei rai ka sorkar pyrdi wow phah takit da ka CBI heiyatoh wa ini wa jia.
Kamtæ da paan u naka NHRC wow leh yeiwa emkaam neiliang yong ka. Da ban joor u leh yei emkaam wow pynsñiawthooh yei bor aiñ kiwa em ha ki thaw khappood lane ki thaw wa em ya kajia yow lait kam ini i jooh u jia ha kiwi won ki bynta ka ri.
