Ham wan de ya toh pathan dei bor, ong ka HYC ya kiwa sah ha Lum Survey

Ka Hynniewtrep Youth Council (HYC) da maham ko ya kitu ki bru kiwa sah ha Lum Survey wym toh de u wan biang ki wow sah ha kani ka thaw wei lada wan biang ki, neiliang ka seiñ daw leh ko dei bor.

U President ka HYC, u Roykupar Synrem hawa klam wa kiwa thoh khubor da ong u wa ynne ka sngi ka seiñ tympra donhi ko ya ki yung wei khlem da tba ya ki bru tangwa da e ka khubor wa eh wym toh u wan biang ki wei lada chem ka seiñ daw leh ko dei bor.

Katkam i ong u President ka HYC, da em kamwa 80 tylli ki tnoom yung kiwa da pynyieñ ha kani ka thaw wei kini ki bru da leh ki yeini khlem da yoh bor.

Da ong u leh wa kani ka thaw toh kawa em boon ki kaam sih nadooh i dih drugs hadooh i khayi drugs wei neiliang ka seiñ da leh ko yeini hadien chi tayaaw wa da e por ya ki bor wa toh u pait yeini.

Chooh chooh da ong u wa ya kattæ ka seiñ da wan ko dei kti wa ki dieñ tangwa lada hap wow wan biang, daw wanrah da ki pooh chi loom.

Related posts

Hawa em kiwa pynthut yei suk i saaiñ, ka sorkar ym ye ko wow suki hi-eh: Prestone

September 9, 2026

Da booh hei maa ya ka chnong Khliehsniriang nei wym em chimkhia ka MeECL ya ki chrot bordiñ

September 9, 2026

Da kdaw u leh wa ki thaw wa em ha ka Cantonment Board toh kiwa man kam ki ktem dih wei khayi drugs wa joor tam ha nongbah Shillong.

Da ong u leh wa ka seiñ u nang leh ko wei lada emkaam daw khut lang wa ki paidbah wow mih ki neini chakhmat.