April 23, 2023
Kamwa da jooh pynman man-u-snem ya ka Chaad Sukra ha Jowai, ha uni u snem da pynman ya ka hajrong ka phang wa ong, “Chaniah tylli hei mon phi Blai, kamwa pynkhooid yeiwa da dep booh phi ha pyrthai”.
Neiliang u kongsan, u MLA ka Jowai, u Wailadmiki Shylla hawa klam ong u, kamwa ka niam ka rukom yong i lai ko chirup chirup waka put ka tem, i rwai i siaw kamtæ ban joor u ya ka Seiñraij Jowai kam kawa yahkhmat kawa e nongmuna yei won iwon i kaam, wow thooh ko ki laad wow sdang biang u pynkhai im yaka put ka tem i rwai i siaw hapoh thaaiñ.
I daw wa ong u yeini toh wa yoo u ha kini ki sngi kut wa lai u ki thaw lehniam næ ha ki Chaad Sukra boon kiwa tem dei sur wa dep Record neidaw wa da wiar kiwa put wa tem.
Hanla em i pynthut u slap ha ka yalang wai ya ka Chaad Sukra wa da pynman ha Iongpiah, da kyntu u wymtoh u dooh mynsien neibhah u Blai hi da bynta u wa i im u bru ha pyrthai chwa u yoh yei kyrkhu hap maad hap lai luti boon i tynjooh.
Ha Iawmusiang won da emlang u Montri ka sorkar jylla, u Comingone Ymbon heiwa da pynlai ya ka yalang da u President ka Seiñraij Jowai u OR Challam.
