Hanla i kynaad ha Bangladesh ym pu em kut i, kiwa khayi chini pyrchah ya ka aiñ ym em sang ki heiwa ki BSF da yoh ki wow kem ya le ngut ki nong India.
Ini toh iwa da jia ha ka 12 tarik uni u bnai heiwa ki 181 Battalion ka BSF Meghalaya da yoh ki wow ksoh ya kawi ka kari Pickup kawa kit chini dei thmu wow chalan tooh cha ka Bangladesh heiwa ya hapoh kani ka kari da em le ngut ki nong India kiwa da chah kem ha thaaiñ khapood ka South Garo Hills District wa Bangladesh.
Kini ki bru da yoh wow kem hadien wa da tip tikna heiwa da lai da pynsangeh ya ki da ka BSF Mobile Check Post neidaw wa poi ki cha khapood.
Hawa kynreh ya kani ka kari da chem 1,000 kilo i chini hapoh u chyiap wa da tymmoh najrong wei hawa kylli takit ya kini ki bru ym ye ki wow pynyoo ya ki kot ki sla wa biang kamtæ da kem noh ya ki heiwa da e kti ya ki cha ki bru ka Customs wa em ha Dalu yow leh ki yeiwa emkaam.
Discussion about this post