U Ganesh Baraiya toh u Doctor na Gujarat uwa jrong du 3 phut donhi tangwa da man u kam ka nongmuna ya kiwa boon nadooh i yakhun ha ka kasari hajrong i chah lehbeiñ wei duna hei rynyieñ, i duna hei yoh i laa kat hadooh wow yoh u wow pyndep yeiwa thmu u wow man kam u Doctor deiwa pyndep ya ka MBBS.
Ya u Ganesh da kha ha Gorkhi, Bhavnagar District wei toh uwi na ki 8 ngut chi payu heiwa da chah kyntait u wow lai puræ MBBS nei duna u hei rynyieñ.
U Ganesh khia u du 20 kg wei duna u 72% ha i bor bru neidaw wa tbian u heiwa da chah kyntait u wow lai puræ MBBS ha u 2018 lyngba ka Medical Council of India (MCI) deiwa e daw wa ym ye u wow pyndep yei kaamram u katkam wa toh u leh ki Doctor.
Hadien ini, u Ganesh da yakhun mukotduma u ha Gujarat High Court tangwa da kyntait ya oo wow lai puræ MBBS u, wei deiwa kyrchaan u Principal ka skur wa lai u, u Dr. Dalpatbhai Katariya da yakhun won u cha Supreme Court.
Neiliang ka SC da bichaar ko ya ka mukotduma u soo bnai wei da e ko ya ka rai wow lai puræ u deiwa ong wa i tbian rynyieñ ym ye i wow man wow chah kyntait hawa puræ puthi.
Manda mih kani ka rai, u Ganesh da yoh u ya ka Admission Letter na Bhavnagar Medical College ha u 2019.
Hawa lai puræ MBBS, u Ganesh da chem chitom u ha i lai luti neidaw wa tbian u wei kattæ leh da man i kabu ya oo neibhah wa yoh u wow chong haphrang dooh wei em ki por ki para Class u hap rah ki oo heipor wa pynyoo yei rukom sumaar bru wow yoh u wow yoo yeiwa da leh.
U Ganesh da man u kam u Doctor katni hadien wa pyndep u ya ka Internship, wei da ong u leh wa ka thong wa nyngkong yong oo toh wow chna ya i yung wa paka.
Discussion about this post