Jowai: Ka Meghalaya People’s United Front (MPUF) Khliehriat Circle East Jaiñtia Hills District da kyntu ko ya ka sorkar wow chimkhia lang ya kitu kiwa mylla ki pli wa chem jynjar khamtam ha kam kani ka por wa katni neibhah wot lada wai ya ki dukan marbaam leh tangwa khlem iyi iyi i mihpoisa deiyi u thied ki, da ong ka seiñ.
Neiliang u President ka Khliehriat Circle u Kyrshan Blah da kyntu joor u yaka sorkar wa toh u chimkhiah lang ya kitu kiwa ym chem laad de wow thied ya i baam. Neiliang u President da booh u ya i kyntu ya ki paidbah chong chnong yong ka jylla hi waroh kawi wym toh u chong syier, wei wow kyrmen skhem bait wa ka sorkar ka ym ieh ko yaki la kammon kammon leh.
Chooh chooh u President da kyntu u ya ki paidbah wow ya ksohkti lang ha kani ka khang yong ka sorkar khnang wow man ko kawa jop wow yaleh pyrchah ya uni u khñiang kjut uwa da wan ha waroh kawi ka pyrthai uwa tip pyrtuid kam u COVID-19. Pynkut ka kyrwoh wa da pynliat da u President u K. Blah.
Discussion about this post