Hap bahkhlieh ka sorkar ya ki 7 ngut ki khon ka manbei wa khlaad ha MCH Hospital lym kamtæ ym chimkti yei metyap

Kiwa ha-yung ha-sem ka Pynchei Bareh kawa da khlaad hei miet ka 4 tarik da pynsñiaw ki yei sñiawsih wa kthang yeiwa jia ha MCH Hospital Jowai deiwa kylli ya ki Doctor ki Nurse kammon u sñiaw ki lada kani ka bru toh ka payu ka bei yong ki.

Da ong ki wa ka Pynchei toh kawa dooh wa duk kawa kreh mylla wei em ko 7 ngut ki khon, kattu yi wow pait ki neiwon u yoh ja ki, kammon u lai skur ki, wei kattu da man khonswet ki deiwa leh khalær ki Doctor ki Nurse.

Da dawa leh na ka sorkar khamtam ka Montri wa pait yei chait yei khiah wow thung da ka takit neibhah da jia ma jia kamni wei wow beh kreh chipor (Suspend) ya kini ki Doctor ki Nurse wa emkti.

Da kyntu leh ya ka sorkar wow yarap wow pait ya kini ki khon ka Pynchei neibhah ki hadooh katwon u ye ki u pait.

Related posts

Kylli ka KYM na u DC iyi wa da leh ya ka poisa wa da booh yow yada ya ka wah Myntdu kawa da ktieh biang kattæ

October 31, 2025

Yachem ka JSU wa u Chairman ka MPSC yow lait biang u tyngkhooh tarik wa ka DSC

October 31, 2025

Da pyntip leh wa u pa kini ki khynnah ymtoh uwa nang, kamtæ da emkaam wow e yarap ka sorkar ya kini ki khynnah hadooh wa heh wa san wei lada ym yoh kam katæ ka kular ym sai yei metyap ka Pynchei napoh kani ka Hospital.

Da ong ki leh wa ka sorkar toh u yarap ki nadooh ka baam ka dih, ka puræ puthi kat wym pu ye ki u khih u kreh.

Neiliang ka seiñ JNC leh da beiñ ko yeini wa jia ya kani ka manbei kawa na chnong Jalaphet kawa da dooh leh yei khon wa dang pun, deiwa dawa leh na ka DM&HO wow thung takit wei wow pynchitom ya kitu kiwa emkti.