Kawi ka Helicopter kawa kit ya kiwa lai leh niam Hindu cha Kedarnath da hap hiar syndet ko (Emergency Landing) ha u sarokbah hajan ka chnong Sirsi, Rudraprayag District ka jylla Uttarakhand ynne i step hadien wa em i thut ha ka wei ini da pynbor i ya u Pilot wow pynhiar ya ka ha u sarok.
Waroh ki 6 ngut wa em hapoh ka Helicopter da lait ki khlem mynsoo.
Kani ka Helicopter toh kawa da pynlai da ka Crestel Aviation Private Limited heiwa da mih ko na Badasu Base wei toh u hær ko cha Kedarnath Dham.
U Pilot da takha u malum malæ ha ini i jia wei da kit ya oo cha thaw sumaar katwa ki 6 ngut ki paidbah da lai ki cha Kedarnath da ka kari.
Ha ini i jia da em leh ka kari wa da chah ban wei da chah ktah leh i dukan wa em ha rood sarok.
U ADG (Law and Order) ka Uttarakhand, u Dr. V. Murugesan da pyntikna u yeiwa jia deiwa ong leh wa waroh kiwa chong hapoh da lait ki khlem mynsoo.
Neiliang ka Uttarakhand Civil Aviation Development Authority (UCADA) da ong ko wa kani ka Helicopter da hiar ko ha sarok heithaw wow hiar ko ha Helipad, wei da pyntip leh ya ka Directorate General of Civil Aviation (DGCA) wow takit yeiwa jia.
Discussion about this post