U DC ka West Garo Hills District deiwa bood yaki kyndon khang chnong ka sorkar jylla kamjooh ka sorkar pyrdi kawa pynlait na ini i khang kam ya ki dukan dai khoo, dai, jhoor, soh, doh, dakha wa kiwi ki mar wa emkaam, ynnin da pynmih hukum u wa nadooh ynne ka 26 tarik u wai ya kini ki dukan nadooh 7 waje i step hadooh 1:00 i sngi.
Da booh yaki kyndon wa kiwa wan thied toh u yieñ ki 1 meter uwi na uwi kamjooh na kiwa dai.
Toh u tymmoh ya i ktien wa i khmut da i that wa khooid.
Kiwa dai dukan toh u pynbiang ki ya i thaw sait kti kamjooh i sabon hakhmat dukan ki wei waroh kiwa dai dukan toh u sait kti ki man ka por.
Da khang leh ya kiwa dai dukan wow dai ki yaki mar hei dor wa syad.
Ini waroh da man i iwa sepai ha Tura heiwa ki paidbah ym em bood ki ya kini ki kyndon hadooh wa da ya mih leh wow lai yaw da ki kari wei joor ka yaknieh wow psiah chapoh ka yaw.
Kamtæ hapoh Tura u DC ym yohsa u wow pynbna wa da khang yaka yaw neidaw wa ya chlong ki bru khrui ha ki thaw wa em yaw wei da pyrkhat wow libooh noh yaki mar cha ki jar jiar ki dong deiwa pynkynmoo wa ym chah u pynemkaam yaki kari ki bru samen.
Da pyntip won wa cha ki thaw nongkyndong ka District man ki kiwa bood yaki kyndon wow ya jngai uwi ya uwi (Social Distancing) wei daw chim yaka rai kammon wow leh cha kini ki thaw.
Discussion about this post