Ki pulit Special Operation Team (SOT) kiwa da wan lai da ki 2 tylli ki Gypsy na ka thaw wa pynman yalang thang dur bula da ki seiñbhalang da pynchrai ki ya ki dkhot seiñbhalang, neibhah i rukom yah pynhær smat hadooh kamwa da mut wow tyrrah lut ya ki dkhot seiñbhalang kiwa em ha sarok.
Ki seiñbhalang kiwa em hapoh ka yakhih Save Hynniewtrep Mission da lai toor ki hakhmat ka yung sah u Montri Rangbah (CM Bungalow) kawa ha Polo ynne ka sngi wow thang ya ki dur bula yong u Montri Rangbah ka jylla Meghalaya, u Conrad K Sangma kamjooh yong u Montri Kaam Pohyung ka jylla, u Lahkmen Rymbui, u Montri Rangbah ka Assam, u Himanta Biswa Sarma wa yong u Montri Kaam Pohyung ka ri India, u Amit Shah, tangwa mar ya kut syndon ka yalang da wan syndet 2 tylli ki kari Gypsy yong ki pulit SOT iwa da pynchrai ya ki seiñbhalang kiwa dang man jai-jai hachwa wow yapra na ka yalang.
Hadien i yaklam wa kiwa yahkhmat ki seiñbhalang wa ki pulit kiwa em ha katai ka thaw da ye wow pyn jai-jai noh ya ki dkhot seiñbhalang, neibhah ki pulit da paanmaap wei da kular ki wow thooh ya kitu ki pulit kiwa da lai pynchrai ha itai i por.
