Hap pynmih hukum ka DC hadien wa thmu Baptist biang ya kiwa da heh rta da ka Balang wa mih thymme

Neidaw wa dang pteiñ hi i ya kajai hadien wa piah ka Balang Presbyterian Ksehpyndeng ha ki ar liang kawa dang haap hapoh ka Mawryngkneng Police Station heiwa ka Balang wa dang mih thymme da thmu ko wow pynbaptist biang deiwi ya ki dkhot kiwa da heh rta ha ka 12 tarik uni u bnai December.

Neiliang ka DC ka East Khasi Hills da pynkrehkaam ko da ka Section 163 ka BNSS neidaw wa ini i thmu wow pynbaptist biang ye ko wow wanrah yei kynaad iwa daw ktah yei suk i saaiñ ha ka thaaiñ.

Ha kani ka hukum da khang wow pynman ya kawon kawon ka yalang ha kani ka thaw wa em i ya kajia wei kiwon kiwon kiwa leh pyrchah daw chah pynchitom ki katkam ka Section 223 ka BNS.

Ini ymtoh i sien wa nynkong wa jia ini heiwa ha ka 5 tarik u January uni u snem, kani ka Balang thymme da mut ko wow leh yeini i jooh heiwa da hap wow pynmih hukum hapoh ka Section 163 ka BNSS yow khang yei pynman yalang paidbah ha kini ki thaw.