Ha i pyntip neiliang ka JHADC cha ki waheh chnong ka Ri-loom Jaiñtia kamjooh cha ki khlieh District da ong wa yow pynlai ryntih yei pynkrehkaam ya ka aiñ Jaintia Hills Autonomous District (Trading by Non-Tribal) Regulation (Act) 2011 wa ki kyndon Section 31(22) wa em hapoh ka aiñ Jaintia Hills Autonomous District (Establishment of Elaka and Village and Election, Appointment, Power, Functions and Jurisdiction of Dolloi/Sirdar and Waheh Shnong), Act 2015, da hukum ya ki waheh chnong wow pynbna paidbah ar sien chi bnai ha ka chnong ka thaw neibynta ki ar tylli ki bynta.
Nyngkong toh wym chah ya uwon uwon wow kreh næ pynlai ya kawon kawon ka kaam (Business) kawa kynthup ya ki kaam chna yung, chna dieñ (Carpenter), i chna pynbha ya iwa em ha ki yung kam ki Flooring, Ceiling, Lighting, Furniture wa kiwi ki jait kaam khlem da yoh ya ka License wa da e da u/ka Licensing Officer yong ka JHADC lait noh ya ki tre jylla kiwa man kam ki Khasi, Jaintia wa Garo.
Iwa ar won toh wa uwon uwon uwa kwah wow pynpsiah kreh næ pynkreh da u wym toh u tre jylla (Khasi, Jaintia wa Garo) ha ki kaam wa da kdaw haneiñ, hap ki wow pyntip cha ki waheh chnong neibynta wow pait bniah ya ka Trading License waka Non-Tribal Employees Service License kawa yatoh wa kiwa kreh mylla.
Da phah leh ya ki waheh chnong wow chim ki ya ka Professional Tax Clearance Certificate kam kawi na ki kot wa hap wow pynyoo hawa e NOC næ hawa pynthymme ya ka NOC cha ki bru tre chnong wa ki wym toh ki tre ri kiwa kreh ha kawon kawon ka kaam hapoh u pood u ang ka chnong.
Discussion about this post