Ka Union Territory (UT) ka Andaman & Nicobar Islands lyngba ka chnat Civil Aviation da pynmih hukum ko ynne ka sngi neibynta kiwa wan chapoh ka UT neidaw wa ku kiwa yoh COVID-19 wei yow chem ya kiwa yoh ya u jait Omicron uni khñiang khlam wei yow ye leh u kdoh u khoom yei poor ka khlam.
Kamtæ waroh kiwa em 2 snem chaneiñ kiwa da yoh tika chisien kamjooh kiwa da yoh tika pura kiwa wan lyngba ka VSI Airport, Port Blair nadooh ka 5 tarik uni u bnai hap ki wow rah lang waka RT-PCR Negative Test kawa da leh naka Laboratory wa da tipmit da ka ICMR wei ya kani toh u leh 48 kynta chwa wow lai luti yow poi cha Port Blair.
Chooh chooh kitu kiwa da wan na baar ri hapoh ki 30 sngi, ki wym pu em yoh tika, kiwa da yoh tika chisien daw hap ki wow chah Test da ka RT-PCR manda poi ki ha ka VSI Airport wei hap ki wow chongkset samen hadooh wa yoh ya ka Negative RT-PCR Report.
Lada kiwa lai luti da chem wa chah ktah ki hadien wa chah Test, daw hap ki wow leh Quarantine katkam ki kyndon.
