theme-sticky-logo-alt
theme-logo-alt
Advertisement ad1

Nadooh ka 3 tarik u sdang yei e tika neibynta kiwa em 15-18 snem ha Meghalaya

I e tika neibynta kiwa da em 15-18 snem i rta u sdang i nadooh ka 3 tarik uni u bnai kamjooh hapoh ka jylla Meghalaya wei ini toh ya kitu kiwa da kha chwa ka 01-01-2007 donhi kiwa ye wow chim ya ini i tika.

Ye wow leh ya ka Registration deiwa lai ha ka www.cowin.gov.in kawa da chah wow leh nadooh ka 1 tarik uni u bnai.

Ya ki wym ye u leh yeini, ye ki wow lai bait ha i thaw e tika namo ki Vaccination Centres nadooh ka 3 tarik uni u bnai.

Yow pynsakhiat yei snem, hap wow rah ya ki School Identity Card, ki Ration Card, Aadhaar Card, Passport, Bank Passbook lane ka Unique Disability ID.

Heiyatoh won waka Precaution Dose namo ka e tika wow yada chooh ya kitu kiwa da dep yoh tika la arsien, daw sdang nadooh ka 10 tarik uni u bnai wa kynthup du ya kitu kiwa em 60 snem chaneiñ kiwa da em chwa ki chitom wa ki Health Care Workers (HCW) wa ki Frontline Workers (FLW) iwa mut kiwa kreh ha ki kaam sumaar sukhær wa kitu kiwa em hakhmat dooh wow yada naka khlam.

Ki kyndon toh wa emkaam ki wow pyndep 9 bnai lane 39 tayaw nadooh wa yoh ki yei tika wa ar heiwa ya kitu kiwa em 60 snem chaneiñ ym emkaam ki wow rah ya ka Medical/Fitness Certificate katwa ki HCW waki FLW hap ki wow wanrah ya ka Employment Certificate.

Puræ leh: Ya kiwa 15-18 snem i rta daw e da i tika Covaxin

Share this:
Previous

Hap rah RT-PCR Negative Report hanla da dep yoh tika lada lai cha Andaman & Nicobar Islands

Next

Khlaad noh ka Kong Francisca (Phren) Jat