Hap Test biang sa chisien ya u Pilot ka Air India hadien wa nyngkong chem toh uwa pynemkaam drugs hadooh wa mynsoo ki 17 ngut

Hadien wa mynsoo 17 ngut wa kynthup ya ki 4 ngut wa man kam ki Cabin Crew neiwa noh syndet ka lieñsuiñ ka Air India kamwa 300ft heipor wa lai na Phuket cha Delhi ha ka 4 tarik uni u bnai, neiliang ka Directorate General of Civil Aviation (DGCA) da pyntip ko wa da phah Test Drugs ya waroh ar ngut ki Pilot heiwa ka Test u Pilot-in-Command (PIC) da hap wow phah pyntikna ka sa chisien wei dang yang ya ka Final Report.

Kam wow pynkynmoo wa hapoh kani ka lieñsuiñ Airbus A320 da em 137 ngut ki bru hapoh wa lai luti wa kynthup ya 3 ngut ki khonboo neitæ 6 ngut ki Cabin Crew wa ar ngut ki Pilot.

Kini ki ar ngut ki Pilot da khang wow pynhær lieñsuiñ ki kat wym pu dep ka takit heiwa da ini wa jai da em ki bynta kani ka lieñsuiñ kiwa da kaad napoh.

Na kiwa mynsoo em kiwa da takha ka kti, i khlieh, i chrooh wa u budloom.

Related posts

Markhmat wa ki paidbah yaklam u Wailad yow ap yeiwa chem chitom ki na ka Scheme MHIS wa PMJAY 

September 19, 2026

Ka Meghalaya toh kawi na kiwa miat dooh ha pyrthai, daw ku i wan ki Tourist na baar ri, ong u Montri khynnah ka sorkar pyrdi

September 19, 2026

Kamwa man kattæ ka Test Result u Pilot wa pynhær ya kani ka lieñsuiñ toh wa pynemkaam drugs u wei da phah ya ka nongmuna (Sample) u sa cha kawi ka Laboratory yow pyntikna yeini wa da chem nyngkong.

Puræ leh: Mynsoo 17 ngut hapoh ka lieñsuiñ hawa wan na Thailand cha Delhi