U Director ka NEIGRIHMS, u Prof. (Dr) Nalin Mehta ynne ka sngi da hap u wow mih cha pchem yow paan maap na kiwa yahkhmat ka HYC hajrong i klam lait u deiwa ong ya ki dkhot ka seiñ ileh lai pynkulmar chnong ki cha NEIGRIHMS.
Kiwa yahkhmat ka HYC da lai ki cha NEIGRIHMS hajrong i khut yong u Director wow yaklam ya ki phang dawa wa ka seiñ da booh ko wei e por yaka NEIGRIHMS wow pynkrehkaam ya kini.
Neidaw i klam beiñ yong u Director, ka HYC da mih ko napoh ka kamra yong u Director wei da maham ko wow khang tala chisiendon ya kani ka Hospital.
Hadien wa chrai kiwa yahkhmat ka HYC, neiliang ki Magistrate da wan poi ki cha NEIGRIHMS yow tuklar wei yaklam wa uni u khliehdooh kani ka thaw sumaar heiwa da hap mih u cha pchem wei da paan maap u na kiwa yahkhmat ka HYC wei da khut biang u leh wow wan yaklam hajrong ki phang dawa wa ka seiñ da booh ko.
U Director ka NEIGRIHMS hawa wan paan maap, da ong u wa da chim biang u ya ki kyntien wa ktah yei sñiaw ki iwa da klam u pyrchah ya kiwa yahkhmat ka seiñ wei da kyntu ya kiwa yahkhmat wow mylliñ noh ya iyi wa da jia deiwa khut biang yow yaklam hajrong ki phang dawa. Tangwa kiwa yahkhmat ka HYC da kyrngah ki wei da phah pynbait ya oo da kawi won ka sngi wow yachem wow yaklam bha ya iyi iyi waroh.
Hawa klam cha ki laad pathai khubor, u President ka HYC, u Roykupar Synrem da pyntip u wa i dawa yong ka seiñ na u heh ka NEIGRIHMS kynthup i yei thung kaam ya ki Nurse kawa da pynlai katni lyngba ka Nursing Officer Recruitment Common Eligibility Test (NORCET) kawa pyndoohlaad ya ki Nurse tre jylla wow yoh kreh ha NEIGRIHMS, i e wai ya ki kaam (Outsourcing), i thung kreh wa 80% ya ki tre chnong ha ka Group B wa C, wa i thung kreh pura noh ya ki Nurse kiwa dang kreh Contract wa kiwi kiwi.
Discussion about this post