Ki dkhot ka Hynniewtrep Youth Council (HYC) hapoh i yahkhmat yong u President, u Roykupar Synrem da pynbaad ki wa chah klam beiñ ki ha u Director ka NEIGRIHMS, deiwa ong u wa ileh wan ki cha kani ka Hospital du wow pynkulmar chnong.
U Prof. (Dr.) Nalin Mehta, uwa man u Director yong ka North Eastern Indira Gandhi Regional Institute of Health and Medical Sciences (NEIGRIHMS), da khut yaklam u yaka HYC ynne ka sngi, tangwa mar ya psiah chapoh ka kamra yong oo, da ong u ya kiwa yahkhmat ka HYC ileh da pynkulmar chnong ki, iwa da pynchrai ya kiwa yahkhmat yong ka seiñ kiwa da mih noh khlem da bien de u yaklam.
U Roykupar Synrem hawa yaklam wa u Magistrate uwa em ha NEIGRIHMS, da khana u wa ka seiñ da lai yachem ko yow pynsñiaw yei dawa wei myntoi kiwa chong chnong tre jylla, wei da pynbaad u leh wa i leh yong u Director pynyoo ko wym kwah u wow yaklam iyi iyi neibynta i myntoi ka jaitbru yong ka jylla.
U President ka HYC da klam u hakhmat yong u Magistrate wa ka seiñ daw khang tala noh chwa ya kani ka thaw sumaar ka sorkar pyrdi na ini i leh pynkhor u Director.
Discussion about this post