U Union Minister of State (Independent Charge) Science & Technology; Minister of State (Independent Charge) Earth Sciences; MoS PMO, Personnel, Public Grievances, Pensions, Atomic Energy & Space, u Dr. Jitendra Singh, uwa man leh kam uwa pawnaam wa sumaar yei kjut chini namo u Diabetologist, ynne da ong u wa iwa hakhmat dooh toh yow yada nei kjut chini ha ki khynroo khyllood wa ki kynthai wa punkhon.
Hawa klam ha ka Webinar hajrong i kjut Diabetes ha ka World Diabetes Day, u Dr. Jitendra Singh da ong u wa palat 70% kiwa chong chnong ka India toh kiwa em hapoh 40 snem i rta. U Montri da khut u wow pynman khlem pep ya ka Diabetes Test ha waroh ki thaw sumaar ya ki manbei wa ki kynthai wa punkhon.
U Dr. Jitendra Singh da khut u wow em yei ya krehlang yow yaleh pyrchah yei kjut Diabetes deiwa kdaw leh wa ka khlam COVID-19 da sikai ko ya i kammon wow thooh ki laad thymme yow sumaar deiwa pynemkaam lang yei sumaar warim wa iwa katkam ka juk wa katni.
Hawa e lang yei klam, neiliang u Dr. H.R. Nagendra, Chancellor ka S-VYASA da ong u wa i kjut chini katni toh iwa da poi chadooh ki thaw wa em cha kdong cha chmiang iwa da ktah bha ya kitu kiwa dooh wa duk. Hajrong ini, u Dr. Jitendra Singh da ong u wa da emkaam wow pynemkaam ya ka Telemedicine yow ye u yarap ya kitu ki wym em poisa wow lai cha ki thaw sumaar wa em cha jngai.
Hawa klam pynkut, u Dr. Jitendra Singh da ban joor u wa i kjut chini toh iwa dang joor kat wa dang lai i por ha pyrthai khamtam ha India. Da ong u wa 88 Million ngut ki bru ha em Diabetes ha u 2019 ha India katkam wa kheiñ ka International Diabetes Federation (IDF) kawa da antaad wa ini daw ko i da 74% cha 153 Million ha 2045, wei ka India daw ye ko wow man kawa chah ktah dooh hapoh pyrthai.
Kani ka Seminar toh kawa pynman da ka Swami Vivekananda Yoga AnusandhanaSamasthana, S-VYASA, Bengaluru waka Central Council for Research in Yoga and Naturopathy, CCRYN New Delhi.
