Jowai: Ki 8 tylli ki seiñbhalang napoh East Jaintia Hills District kiwa kynthup yaka EJNC, JSM, JNC, HANM, HYC, HNYF, MPUF wa NEIPF kam chibynta wow booddien yaka ujor pyrchah ya u Mekit-hi Sutnga, Secretary ka Elaka Sutnga, neiliang yong ki 8 seiñ ha kani ka 24 tarik da lai yachem ki ya u Thombor Shiwat, CEM JHADC wow pynkynmoo hajrong ka ujor wa da e haka 16-09-19 pyrchah ya u Secretary ka Elaka Sutnga.
Hawa yaklam wa u CEM ka JHADC, neiliang kiwa yahkhmat ki seiñbhlang da paan pynche ki ya iwa da leh ka JHADC hajrong i ujor yong ki 8 seiñ wei lada u Secretary ka Elaka Sutnga em u næ ym em bor wow leh kamwa da pynmih u ha ki laad pathai khubor, neiliang u CEM CEM da pynsñiaw u waka Council ym tipmit ko ya uwon uwon u Secretary yong ki Elaka wei man ko ka kamram yong u Dolloi wow jied yaki Secretary neidaw waka JHADC ka pynkup bor du yaki Dolloi, wei u Secretary ym ye u wow chim yaka rai khlem da yoh bor na u Dolloi, wei da kular u leh wow phah da i thoh cha u Dolloi ka Ekaka Sutnga wow paan pynche ya iwa pynmih khubor u Secretary ka Elaka Sutnga hapoh ka 14 sngi, chooh chooh da ong u leh wa kani ka kaam u lai ko chakhmat wei khlem pep daw ktah ya u Dolloi neibhah ka JHADC ka pynkup bor ko ya u Dolloi ym ya u Secretary.
Ki seiñ da ong ko wa hanlada ka yung krehkaam u DC ka EJHD ym em chimkhia ki yaka ujor yong ki, da chaniah ki haka JHADC wow wanrah yaka bichaar kawa hok wow leh ya iwa emkaam, tangwa lada ka JHADC ym leh ko iyi iyi hapoh kitai ki 14 sngi ym banse wow rah ya kani ka kaam cha ka Meghalaya High Court yow yoh yaka bichaar kawa hok.
Ka khubor wa phah da u Sambormi Lyngdoh President EJNC – CEC.
Also Read: Dawa ki 8 seiñ na u CEM wow pynman daka takit pyrchah ya u Secretary ka Elaka Sutnga
Discussion about this post