Jowai: Hadien boohteiñ ki bor district wow chimkhia u leh ya iwa emkaam ya i yung u Sayeedullah Nongrum wa em ha Chahtngit, harood ka Wah Myntdu ha ka 6 tarik uni u bnai u Town Planning Officer da phah Showcause u cha u tre kani ka yung.
Kam wow pynkynmoo heini neiliang ki bor district ka West Jaiñtia hapoh i yahkhmat u Town Planning Officer, MUDA da pynman ki ya ka takit ha ka 15 Naiynru 2017 hei emlang ki sahep na ka District, na ka Jowai Municipal Board, wa kiwi kiwi.
Hadien ini da phah ya ka bui wa ong wa ini i yung toh i yong u Sayeedullah Nongrum, wei da chem wa ym em ki kot ki sla wa paan bor u Sayeedullah Nongrum namo ka Masjid Committee na ka office u Planning Officer wow chna ya kani ka yung.
Da ong wa katkam ka aiñ toh u sliah noh ya kani ka yung, wei ha ka Showcause Notice wa phah cha u Nongrum ha ka 6 tarik da phah jubab ya oo hapoh 15 sngi wei lada ym leh yeini daw leh noh yeiwa emkaam katkam ki kyndon ki aiñ.
Heijooh i por da maham leh ya oo wa lada ym leh u yeiwa da phah neiliang kani ka yungkrehkaam daw phah ko yei pyrtuid yong oo cha ka NGT, Kolkata wow man u kam uwi na kiwa chah ujor pyrchah.
Discussion about this post