Ka Ministry of Tourism, ka sorkar pyrdi da sdang ko ya ka Website ‘Stranded in India’ nadooh ka 31 Wisu 2020 neibynta wow yarap ya kiwa wan uiñke suwari kiwa na baar ri wei du hapoh 2 sngi da em 500 ngut kiwa thooh yutip kamjooh leh kiwa paan yarap.
Hajrong kini ka MoT leh da yaklam ko wa ka chnat baar ri (Ministry of External Affairs) wa ki sorkar jylla wow yarap ya kini ki bru wei dang yaklam leh ki Embassy waphær waphær hajrong ini wow ye u leh yeiwa emkaam.
Kiwa boon hi da kylli ki kammon u ye biang ki wow liwan cha yung wa ki ri yong ki wei wow pynyinsur ya ka Visa yong ki wow neh chooh hapoh ka ri neibhah wym ye ki u liwan cha yung.
Kiwi ki phang wa da kylli toh hajrong kammon wow poi biang ki cha ka sorbah Delhi wa Mumbai khnang wow ye biang ki u liwan manda kut ka Lockdown.
Ka MoT leh da yakreh bha ko wa ki chnat ki sorkar jylla wow pynbiang baam kamjooh ki dawai wa kiwi kiwi khamtam ya kiwa da heh rta.
Neiliang ka Hotels and Restaurant Division yong ka Ministry leh da yaklam ko wa ki Hotel, kiwa sah kini ki baar ri wei wow yarap ya ki katwa ye ki.
Ka Ministry da thung ko leh ya ka Task Force wa kynthup ya ki bru ka ka sorkar pyrdi wa ki yong ki jylla wow yarap ya kam kini ki bru wei dang yaklam wa ki lyngba ka WhatsApp wa email kamjooh leh lyngba ka phone.
Chooh chooh ka Ministry da booh ko leh ya ka Helpline wa kreh 24 kynta wei uni u Number toh 1363 wow e yutip wa tikna cha kini kiwa wan uiñke wei ya ka yutip wa bniah ye u yoh na ka strandedinindia.com namo incredibleindia.org.
Discussion about this post