15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Hapoh 24 kynta toh u pynche u DC ka EJH hajrong i yohbor ka Star Cement wow tih moochuni na Brichyrnot: JSU

Advertisement ad1

Ynne ka sngi ka JSU da epor ko 24 kynta ya ka yung krehkaam u Deputy Commissioner ka East Jaiñtia Hills wow pynche u hajrong i yohbor Environmental Clearance ka Star Cement na ka Minsitry of Environment,Forest & Climate Change (MoEF&CC) ka sorkar India khlem ka Public Hearing hanla boon kiwa pyrchah ya ini i thmu kani ka karkhana.

Kiwa kitkaam ka seiñ da ong ki wa ka JSU nadooh wa sdang da pyrchah ko ya i thmu kani ka karkhana wow tih moochuni na Brichyrnot hadooh 42.05 Hectare neibhah wa ini daw ktah i ya ka Wah Lukha wa ka Wah Lunar wei kamjooh leh wa jan ware ko wa ka Narpuh Wildlife Sanctuary kawa em du kamwa 2.8 Km na ini i thaw wa thmu wow tih ya uni u mar pohkhyndaw wei em ko du 1.4 km na ka Eco Sensitive Zone wei ini daw ktah joor i ya ka rymaw wa ki chnong wa marjan.

Advertisement ad1

Heijooh i por ka seiñ da kylli ko na ki bor District wa ya ka Meghalaya State Pollution Control Board (MSPCB) wa kiyi wa ebor wei wow thoh cha ka Star Cement wow yoh ya ka Environment Clearance na ka Ministry of Environment, Forest and Climate Change.

Ka seiñ da phylla ko leh ya ka chithi wa ka MSPCB da phah ko cha ka MoEF&CC ha Delhi kawa ong wa em hadooh 280 ngut ki seiñ kiwa thoh cha ka Board wa da kyrchaan ki wow tih ya u moochuni na Brichyrnot wei em du 6 tylli ki seiñ kiwa pyrchah ya ini heiwa ka seiñ da beiñ joor ko ya kani ka chithi ka MSPCB wa da thoh da u Member Secretary yong ka MSPCB cha ka chnat MoEF&CC deiwa dawa wa ka yung krehkaam u DC toh u pynsahiat ko ya kitæ ki 280 tylli ki seiñ kiwa kyrchaan wei kiwa thoh cha ka MSPCB.

Share this:
Previous

Da pyntip ya ka sorkar India hajrong i pyrchah ya ka Public Hearing ka Star Cement: Conrad

Next

Ha ki sngi wow wan daw bichaar kammon wei mynnu u chah biang ya ki yaw u wai ki: DC