Ka sorkar Meghalaya da pynthymme ko ya ki Regional Committee ki wow pait yei long i man ki 6 tylli ki thaw wa em i ya kajia pood kitæ ka Langpih ha West Khasi Hills District; ka Borduar, ka Nongwah-Mawtamur, ka Deshdoomreah, ka Block-II kiwa em ha Ri Bhoi District; ka Block- I, Psiar-Khanduli kiwa em ha West Jaiñtia Hills District.
Ya ka Ri Bhoi District, ka Committee u kynthup ko ya u Prestone Tynsong, Deputy Chief Minister i/c Home (Police), etc kam u Chairperson, u Sosthenes Sohtun, MLA Jirang, Government Chief Whip, u Mayralborn Syiem, MLA Nongpoh Constituency, u Damanbait Lamare, MLA Umroi Constituency, u Charles Marngar, MLA Mawhati Constituency, u Jambor War, Executive Member KHADC (Elaka) kam ki Member katwa u Deputy Commissioner, Ri Bhoi District u man u kam u Member Convenor.
Ya ka West Khasi Hills, ka Committee u kynthup ko ya u Paul Lyngdoh, Minister i/c Social Welfare, etc, kam u Chairperson, u R.L. Tongkhar, MLA Mawkyrwat Constituency, u Methodious Dkhar, MLA Mawshynrut Constituency, u Remington Gabil Momin, MLA Rambrai-Jyrngam Constituency, u Gigur Myrthong, Deputy CEM, KHADC, u Bajop Pyngrope, MDC, Rambrai-Jyrngam KHADC kam ki Member katwa u Deputy Commissioner, West Khasi Hills District u man u kam u Member Convenor.
Ya ka West Jaiñtia Hills, ka Committee u kynthup ko ya u Sniawbhalang Dhar, Minister i/c Urban Affairs, etc kam u Chairperson, u Comingone Ymbon, Minister Food Civil Supplies & Consumer Affairs, etc, u Lahkmen Rymbui, MLA Amlarem Constituency, u Nujorki Sungoh, MLA Mowkaiaw Constituency, u Thombor Shiwat, CEM, JHADC, u Aiborlang Shadap, MDC, Barato-Mukroh, JHADC katwa u Deputy Commissioner West Jaiñtia Hills District u man u kam u Member Convenor.
Ki kyndon wow krehkaam kini ki Regional Committee toh yow ya pynbait wa ki Regional Committee wa da thung da ka sorkar Assam, yow ya pait lang yei pyrtuid ki chnong wa da kam da ka Meghalaya wa i pyrtuid kiwa em ha ki kot ki sla ka sorkar Assam, yow pait nadooh neiwon sdang wei hadooh heiwon kut ki chnong.
Hap ki leh wow pait katwon ngut em kiwa chong chnong kamjooh ki jaitbru wei hap ki wo chna ya ka ‘As-Is’ Public Asset Register yong ki chnong kiwa hap wow chna da waroh ar ki sorkar jylla. Hap ki leh wow lai hiar cha kawi pa kawi ka chnong wei wow yaklam deilang wa kiwa mihkhmat kini ki thaw wa kynthup ya ki Autonomous District Council wa kiwi de kiwa da emkti ha ini i kaam yow sñiawthooh yei kwah wa i angnood ki paidbah wei wow booh yukheiñ leh yei jngai wei chimpor wow lai na iwi i chnong cha kawi wei i jngai na ki yung krehkaam sorkar kamjooh ki bor District.
Yeiwa emkaam nadooh i lai i wan wa kiwi, daw pait da jar jiar ki Deputy Commissioner yow pyntikna wa kini ki Committee u krehkaam ki katkam wa toh u leh ki wei u Member Convenor kini ki Committee toh u pynbait ki ya ka tarik yei lai pait kini ki Committee deiwa ya pynbait lang wa ki Committee ka Assam.
Kini ki Committee hap ki wow e ya ka Report cha ka sorkar Meghalaya hapoh 45 sngi nadooh ka sngi wa da pynbna ya ini wei i lai sylli ya ki chnong ki thaw toh deiwa pait ya ki jaitbru wa im ha ki, i suk wow leh ya ka synchaar khadar ya kiwa chong chnong, i rukom jrong u pood wei kammon i sñiaw yong kiwa chong chnong kini ki thaw.
I pyntip na u Chief Secretary ka sorkar Meghalaya.
