• About Us
  • Contact Us
  • Privacy Policy
  • Advertise With Us
  • Terms & Conditions
Monday, August 25, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Hapoh High Court ah uwi ya u rdang hi u da ka tari

Wyrta Staff by Wyrta Staff
April 6, 2024
Reading Time: 3 mins read
A A
0
Share on FacebookShare on Twitter
ADVERTISEMENT

Uwi u bru uwa 51 snem i rta uwa na Mysuru da ah u yow rdang yong oo hi da ka tari deiwa pyrchang wow pynkut yei mynsien hapoh ka Karnataka High Court hakhmat u Chief Justice N V Anjaria iwa da jia ha ka 3 tarik uni u bnai.

Ya uni u bru da pynkit wut-wut cha Hospital.

Ini da jia i heipor 12:15 pyrdi sngi heiwa uni u bru wa tip kam u S Chinnam Srinivas deilang waka kurim u da psiah ki chapoh ka kamra bichaar wa da chong pynlai da u Chief Justice N V Anjaria wa u Justice H B Prabhakara Sastry.

Heipor wa dang puræ ya ki mukotduma, u Srinivas da sai u da kawi ka tari napoh kata patlun wei da ah u ya u rdang hi u. Neilang u Chief Justice Anjaria da Phone pulit u wut-wut yow kit ya u Srinivas cha Hospital.

U Justice Sastry, uwa toh u chong ngiah ha katai ka jooh ka sngi da pynsñiaw u yei sñiaw syir mynsien wei da kylli u leh wa kammon yoh u Srinivas wow psiah chapoh deiwa emlang waka tari.

Related posts

Chim rai ka sorkar wow su noh ko da ka ya ka tulop kiwa kreh ki District Council

August 25, 2025

Chah jied u Dr. Heipor Uni Bang wow yoh ya ka National Teachers’ Award 2025

August 25, 2025

Ya u Srinivas da kit cha Bowring Hospital heiwa da yoh u yei sumaar wei da booh ya oo hapoh Intensive Care Unit (ICU) neidaw wa joor ah ka tari oo.

Hawa takit ya ka kurim u Srinivas da ki pulit, da pyntip ko wa ki kam chi kurim da sñiaw diaw ki nadooh wa ka Karnataka High Court da tynyap ko ya ka FIR wa da e ki ha Mysuru ha u snem 2021 pyrchah ya kawi ka Company chna yung wa em ha Hyderabad heiwa u Srinivas da pynbaad u wa kani ka Company da thok ko ya oo hadooh Rs. 93 lak wei ka High Court heitu i por da phah ko ya oo wow rah yei kaam u cha ka yung bichaar wa em rap khian kyrdan neidaw wa kani man ko ka jait mukotduma wa pait da kiwi ki jait yung bichaar.

Neiliang ka Vidhana Soudha Police dang takit ko ya ini i kaam.

ShareTweetSendShare
Previous Post

Pynbna ka China sa 30 tylli ki pyrtuid ki thaw wa em hapoh Arunachal Pradesh kam ki yong ka

Next Post

District Cricket League: Jop ka Lion Sports Youth Affairs yaka Cultural Youth Club Mowkaiaw 

Related Posts

News

Chim rai ka sorkar wow su noh ko da ka ya ka tulop kiwa kreh ki District Council

August 25, 2025
News

Chah jied u Dr. Heipor Uni Bang wow yoh ya ka National Teachers’ Award 2025

August 25, 2025
News

Chah rahbor ka khynthai ha uwi u bru, ym pu chem hadien 10 sngi

August 25, 2025
Representative Image
News

Chah kyntait ki kot u kyrtong Vice President ka ri hadien wa soi tooh u yei pyrtuid ki 22 ngut ki MP

August 25, 2025
Next Post

District Cricket League: Jop ka Lion Sports Youth Affairs yaka Cultural Youth Club Mowkaiaw 

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar