Pynbna ka China sa 30 tylli ki pyrtuid ki thaw wa em hapoh Arunachal Pradesh kam ki yong ka

Ka China kam chibynta i pteiñ yong ka wow kam ya ka Arunachal Pradesh, ha kini ki sngi wa dep da pynmih chooh chooh ko ki pyrtuid yong ki thaw wa em hapoh Arunachal kiwa da e pyrtuid hei ktien China yow pyrchang pynsakhiat wa kani ka jylla toh kawa man kam chibynta ka China.

Ka thup wa dang pynmih toh kawa man leh kawa soo wei da em 30 tylli ki pyrtuid yong kiwa boon ki thaaiñ ka Arunachal Pradesh.

Neiliang ka India da kyntait ko yeini deiwa ong wa kini ki pyrtuid toh kiwa dang chna thymme ki wym jooh em nachwa.

Ka China ya ka Arunachal waroh kawi da khut ko ka kam ka Zangnan kawa man chibynta ka South Tibet.

Ha ka Website ka China da pynbna ko ya ki 30 tylli ki pyrtuid thymme ki wow krehkaam nadooh ka 1 tarik u Naisan wow wan katkam ka Article 13 ka riti synchaar ka China deiwa ong wa ki thaw wa da chah pynkylla pyrtuid cha kiwi ki ktien da leh khlem da yoh bor.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Ka China da leh nyngkong ko yeini ha u snem 2017 deiwa pynmih yei pyrtuid ki 6 tylli ki thaw ha Zangnan wei da pynmih 15 tylli ha u 2021 neitæ 11 tylli ha u snem 2023.

Kam wow pynkynmoo wa ini wa dep, ka ri USA da pynbna ko wa tipmit ko ya ka Arunachal Pradesh kam chibynta ka ri India iwa da pynchrai ya ka China deiwa ong wym toh u tuklar ko.