Ki pulit ka Special Task Force ka Kolkata Police chirup wa Bihar Police da chem ki ya i thaw chna tiar siat yeiwa da murieh hapoh i karkhana chna pliang ha Munger District ka jylla Bihar.
Ini i thaw toh i yong u Mohammad Monazir Hussain wei em i pyn ha yung yong oo hi we katkam wa ong ki pulit da sdang chna tiar siat heini la kamwa 21 bnai kattu.
Ka STF ka Kolkata Police mar yoh yutip wa tikna chirup wa ki pulit ka Bihar da lai kynreh ki ya iwi i yung ha Gazipur hapoh u pood ka Tarapur Police Station ha i miet ka 13 tarik heiwa da chem ya i thaw chna tiar siat hapoh tyngkong.
Ha ini i thaw da yoh ya ki tiar kam i doh ka 7mm Pistol, 6 tylli ki yuksoh pistol, ka Drilling Machine, ka Lathe Machine wa ka Grinding and Polishing Machine kamjooh leh ki mar wow chna ya ki tiar siat.
U Hussain uwa 27 snem da yarap ya oo da u kong yong oo, u Nasim uwa 38 snem wa u lok yong oo, u Irshad Mallick uwa da yut na ini i thaw.
Hajrong ini da ujor ya ka Case ha Tarapur Police Station, wei kat dang takit da yoh kem la san ngut kattu.
Discussion about this post