Hapoh ka 15 tarik uni u bnai u pyndep yei kreh ya u NH-6 pyntip ka NHAI ha ka High Court

Ka mukotduma PIL wa da yaleh da u (L) Kynjaimon Amse pyrchah ya ka ka National Highways Authority of India (NHAI) heiyatoh wa i pynchna ya u NH-6, da chong bichaar biang ka da ka Meghalaya High Court ynnin ka sngi da u Justice Soumen Sen, Chief Justice wa u Justice H.S. Thangkhiew, Judge.

Neiliang u muktiar ka NHAI da pyntip u hakhmat ka yung bichaar wa daw pyndep noh yei kreh hapoh ka 15 tarik uni u bnai November.

Tangwa neiliang u Amicus Curiae, u S. Panthi uwa da thung da ka High Court yow lai pait dei khmat yeini i kaam da ong u wa ym pu em miat uni u sarok wei dang em ki thaw kiwa dang sih bha.

Neiliang ka High Court da ong ko wa ha ka 15 tarik lane hadien ka 15 tarik toh u pynman da ka Joint Inspection wa kynthup ya u Amicus Curiae wei wow e ya ka Report manda chong bichaar biang ha ka 26 tarik uni u bnai.

Related posts

Kem ki pulit ya soo ngut ki dkhot ka JNC | Wiar uwi won

July 30, 2026

Lada puræ ya ka sla nyngkong du kiwa pyrchah bait, puræ ka sla wa ar em boon bha kiwa kyrchaan ya ka Shree Cement: Prestone

July 30, 2026