Jowai: Ka seiñ JSU ynne ka sngi da epor ko ya u Principal ka Kiang Nangbah Government chi tayaw katæ hadooh ka 28 tarik uni u bnai wow thap bait ya ki khynnah wa dooh thaw puræ ha kani ka College wa em sa kamwa 30 ngut.
U J. Shylla, GS JSU da ong u wa ka seiñ da booddien ko ya ini i kaam da boon bnai wei u Principal leh da pyrchang u wow thap katwa ye ki hadooh wa da pynku u 5 ngut ha kawi pa kawi ka tnat kiwa puræ Honors iwa da palat ya ki kyndon ya UGC.
Hei yatoh won wa kini ki khynnah wa sah ki wa em kamwa 30 ngut ka seiñ da ong ko wa ymtoh iwa eh wow thap ya ki wei ki leh em hok ki wow yoh u lai puræ.
Kamwa man kattæ ki khynnah wa puræ ha ka Class 11 Arts (Morning) em ki kamwa 400 ngut, ki Class 11 Arts (Day) em ki 332 ngut, kiwa puræ Class 11 Science em ki 206 ngut katwa kiwa puræ Class 11 Commerce em ki 60 ngut.
Kiwa puræ BA 1st Semester (Morning) em ki kamwa 400 tam kamjooh leh ha ka Day Section.
Discussion about this post