theme-sticky-logo-alt
theme-logo-alt
Advertisement ad1
Advertisement ad1

Hapoh le sngi pynrem ka Meghalaya ya ka Arunachal Pradesh ha ka Ranji Trophy

Advertisement ad1
Advertisement ad1

Shillong: Ka Meghalaya ynne ka sngi kawa le ka yalehke Ranji Trophy da pynrem ko ya ka Arunachal Pradesh deiwa sah sa chi sngi ka yalehke deiwa pynyoo saap ki Batsman yong ka wei da jop ko da 7 Wicket.

Ka Arunachal da pteiñ ko neiwa ieh ko ynnin ka sngi heiwa da yoh ko 104/6, iwa tam ko da 25 Run hadien wa kamai nyngkong ko.

Advertisement ad1

Ka Arunachal ym em nehslem ko heiwa ki 4 tylli ki Wicket yong ka da haap smat ki deiwa yoh ki sa 27 Run donhi.

U Left-arm Spinner u Gurinder Singh, da yoh u pynhaap le tylli ki Wicket wei ha kani ka yalehke da yoh u waroh 9/71. Ktwa ya u Captain ka Arunachal u Kamsha Yangfo, uwa da kamai 40 Run da pynhaap ya ka Wicket yong oo da u Abhay Negi.

Kamtæ da booh thong ya ka Meghalaya 157 Run yow jop ko tangwa ka Arunachal ym em pynsuk ko ya ka Meghalaya wow jop ko deiwa pynhaap smat ko ya ki arngut ki Batsman heiwa u Licha Tehi da yoh u ya u ya ka Wicket u Raj Biswa wa u Babloo Passah.

U Captain ka Meghalaya u Jason Lamare da kamai u 29 Run chwa wow haap u ha uwa kawang bol u S. Thakur.

Tangwa da wan u Bisht wa u Nagar kiwa da kamai lang 109 Run yow poi ka Meghalaya cha ka thong chwa wow chong ngiah dih cha. U Bisht da yoh u 12 tylli ki soo Run wei waroh da kamai u 66 Run, katwa u Nagar da yoh u 9 tylli ki 4 Run deiwa kamai u 55 Run na ki 51 tylli ki bol wa poi cha oo.

Ka Meghalaya kattu daw lai yachem ko waka Puducherry ka wow sdang ha ka 12 tarik uni u bnai kam chibynta won ka Vijay Hazare Trophy.

Share this:
Previous

Chah dat yong chnong uwa chah pynbaad slaitbor ya ka khynnah wa dang 4 snem

Next

Ka Meghalaya U-16 da jop ko la le sien ha ka Vijay Merchant Trophy