theme-sticky-logo-alt
theme-logo-alt

Hapoh san snem u pynlut T. 50 klur hapoh ka Mushroom Mission ka jylla

Advertisement ad1

Shillong: Ka tamasa pynyoo rong ya ki jait tit namo ka Mushroom Festival kawa nyngkong dooh wa pynman harong ka phang “Mushroom Cultivation for Income Generation” da pynman ya ka ynne ka sngi ha All Saints’ Hall heiwa da u montri ka chnat rep, u Banteidor Lyngdoh da man u kam u kongsan.

Hawa klam ha kani ka sngi u montri da ong u wa ka sorkar jylla yooluti ko wa manda pynkrehkaam ya ka Meghalaya Mushroom Mission daw pynku ko yei pynmih tit wei wow chim kabu ya iwa bha chwa ka thaw ka bhaw cha i yow ye leh u pynku ya ka yoh ka kot ki warep.

Advertisement ad1

Chooh chooh da ong u wa neidaw wa u tit da man chwa u uwa ye dor u dai wei i dawa ya oo man i ha kylleiñ ka pyrthai ye leh u chalan ya yoo cha baar ri wei ka sorkar jylla da booh thong ko wow pynkoo yei ye u pynmih tit nadooh 27 MT cha 5000 MT hapoh 5 snem kamtæ da pynchlur u ya ki warep wow pynku ki yei pynmih tit kamjooh wow pynbniah yei rukom rep.

Ha chwa ini u Additional Chief Secretary & Agriculture Production Commissioner, u K N Kumar da pyntip u wa kamwa 15% i thaw hapoh ka jylla da pynemkaam wow rep tit wei ka yaaw ka hat ya dai tit leh da ku bha ko wei ka thong kani ka tamasa toh wow yarap pynsñiawthooh ya ki warep wow rep ya u tit uwa ye u pynku ya ka yoh ka kot yong ki.

Da ong u leh wa u tit ye u yarap pynwiar ya i duna baam kiwa ye u tei yei doh i pran hadooh ki Vitamin wa emkaam.

Da pyntip u leh wa i rep tit ym ktah ko ya ka rymaw wei ymtoh kiwa emkaam wow pynlut por namo wow thung bru wa kreh wei u tit hi mih u ha ki por wa ym em rep ki bru.

U montri ha kani ka sngi da pyllait u leh ya ka Meghalaya Draft Mushroom Mission wei daw booh ya ka leh ha ka website kani ka chnat sorkar yow ye ki paidbah wow e buit yow pynjanai chooh chooh ka.

I thong yong kani ka Mission toh yow rep ya ki jait tit wa tip kam u Oyster Mushroom, Button Mushroom wa u Shiitake Mushroom wei ha ka 5 snem u pynlut T. 50 klur neibynta kani ka kaam.

Ya ka poisa kani ka Mission daw yoh naka Mission for Integrated Development of Horticulture, Government of India, Megh-LAMP wa ka German Development Bank KfW wei daw pynkrehkaam ya kani ka Mission ha ki 136 tylli ki chnong wa em hapoh ka jylla.

 

Share this:
Previous

Chah kem 20 ngut ha Shillong neidaw wa dai kiad tooh ha u Naikhynde

Next

Nei tyrrah kari, chem ki pulit ka EJH 71 song u bhang wa murieh hapoh kari