Ka Special Investigation Team (SIT) wa da thung da u SP ka West Garo Hills ha ka 4 tarik uni u bnai yow takit ya ki kaam chah tooh kari ha kini ki 5 snem wa da lai, du hapoh 4 sngi da yoh ki wow kem ya 45 tylli ki thuk-thuk wa chah tooh wei da kem ya 17 ngut ki bru wa emkti ha ini i kaam nadooh kiwa tooh, kiwa lute, kiwa chna kot thok wa kiwa thok chukor ya ki bru khamtam hawa yatoh wa ki thuk-thuk.
Da yoh leh wow kem 17 tylli ki Mobile Phone wa kiwi de ki kot ki sla wa man kam ki sabut wei kini kiwa chah kem da phla ki leh wa ki krehkaam ki ha awjan waroh ki District ka Assam wa Meghalaya wei ki thuk-thuk wa tooh na Assam da dai cha Meghalaya katwa kiwa tooh na Meghalaya da dai cha Assam lyngba ki karkhana pynchna kari kamjooh ki bru wa dai kari wa da dep pynemkaam namo ki Second Hand.
Da ini i kem da ye leh wow pyndep ya 10 tylli ki takit wa dang sah.
Ki thuk-thuk wa da yoh u kem toh 45 tylli (11 tylli na Rajabala, 12 tylli na Jengal, 2 tylli na Tura, 7 tylli na Bongaigaon wa 13 tylli na Dadengrre).
Ki bru wa chah kem toh 17 ngut (15 ngut na Meghalaya wa 2 ngut na Assam).
Ki takit (Case) wa da ye u pyndep da em ki 10 tylli (6 tylli na Assam wa 4 tylli na Meghalaya).
Ki pulit da pyntip ki leh wa ha kiwa boon ki khep ki paidbah ka District thied kari Second Hand ki kamjooh ya kylliang kari ki khlem da biang ki kot ki sla wei khlem da yoh ya ka Vehicle Enquiry Report na ki pulit.
Em leh ki bru wa thied kari kam na OLX wa Facebook heiwa da em ki por wa da Advertise da ki kari wa chah tooh, wei ki Registration Certificates (RC), ki Engine Number wa ki Chassis Number toh kiwa da chah pynkylla.
Kamtæ da pynkynmoo ya ki paidbah wa emkaam wow yoh ya ka Police Clearance chwa wow thied kari yow lait na iwon iwon hadien habood.
Ya ki Vehicle Enquiry Report ye u yoh na ki District Crime Records ki Police Station.
