Uwi na ki ar ngut kiwa chah pynbaad wa emkti wow pynbiang Pistol ya kiwa lai siat yei yung u Salman Khan iwa da jia haka 14 tarik u bnai wa dep, da khlaad noh u hadien wa pasi u ya idæ ynne hapoh thanat wa em ha Mumbai deiwa pynemkaam da ka that siang thaw thiah.
Uni u bru toh uwa tip kam u Anuj Thapan (32 snem), wei mar ya oo ki pulit yeini wa jia da kit ya oo cha GT Hospital wa em ha Mumbai heiwa dang im hi u tangwa hadien kattu katni por da khlaad noh u.
Ya u Anuj Thapan da kem da ki pulit ka Mumbai deilang wa uwi uwa tip kam u Sonu Subhash Chander (37 snem) na Punjab haka 25 tarik u bnai wa dep wei kini ki ar ngut da suba toh kiwa pynyoh Pistol ya kiwi won ki ar ngut kiwa lai siat yei yung u Salman Khan.
Ya ki ar ngut kiwa lai siat wa tip kam u Vicky Gupta wa u Sagar Pal da kem ya ki na Bhuj, Gujarat da ki pulit ka Mumbai.
Discussion about this post