Ynne ka sngi u montri ka sorkar pyrdi wa pait ya ka Environment, Forest & Climate Change; Information & Broadcasting u Prakash Javedkar da beiñ u yei klam u heh ka Congress, u Rahul Gandhi uwa da artatien ye rukom e tika COVID-19 hapoh ka ri, heiyatoh wa ini neiliang u Javadekar da ong u wa waroh kiwa chong chnong ka ri daw yoh tika ki hapoh u Kmaichonglad (December) 2021.
Da ong u wa daw e tika ya ki 100 klur ngut kiwa chong chnong ka ri deiwa ong leh wa ka Congress toh u kyruiñ chwa ko cha ki jylla kiwa synchar ko.
Chooh chooh u Javadekar da ong u wa i rukom klam u Rahul Gandhi, da wanrah i yei tieñ japyrdi kiwa boon khamtam kam ha ini i por.
U Javedkar da ong u leh wa ka chnat i chait i khiah ka ri da booh ko ka luti krehkaam heiwa daw pynmih hadooh 216 klur sien (Dose) i tika COVID-19.