Hapyrdi i phooh i phieñ da pynkut ya ka Dorbar Niamtre ki khon ka Ri 12 Dolloi 30 Syiem ha Jowai

Ka Seiñraij Jowai hei peit i pynlai ka Ñiamtre Committee ha ka thong wow pynskem pynskit yei man kyrpang ka jaitbru Ñiawtrep Ñiawskum ha ka sngi Hat 21 wa ka Khyllaw 22 tarik u Kmaichonglad da pynman ko ya ka Dorbar Ñiamtre ha madan Ryngkaw Tpep-pale.

Ha ka sngi nyngkong yong kani ka Dorbar Niamtre, da em ki yalang wa kyrpang heiwa ki khon ka Niamtre na ki Raij ki chnong waphær da wan ki wow ya chimbynta hei emlang u Puramon Kynjing, u Dolloi Elaka Jowai, ki waheh wasian wa ki khon khynroo khyllood ka Seiñraij Jowai.

Ha ka sngi wa bood yong kani ka Dorbar Niamtre wa da pynman ha Madan Ryngkaw, Tpep-Pale hei pynlai u Raymond Nartiang, Chairman NTC da yoh i ngoohblai ngoohsyiem da u Myown Chyrmang, u Kñi ka Raij Jowai, i pynhær lama da u S.K. Lato, Ex-President ka Seiñraij Jowai katwa u Hercules Toi, President ka Seiñraij Jowai da e u ki kyntien pdiang burom.

U Valentidio Paswet, Sangot Paswet kam uwi na ki chakri niam ka Raij da e u i khana parom wa tbian chaphang ka chnong Jowai katwa ki waheh wasian kiwa da e i klam i kappæ hajrong ki phang waphær toh u Nitanjan S. Manner, Vice-President ka Seiñraij Shangpung uwa da klam hajrong ka phang wa ong “I dor ka Niam wa kha ka Bei”, u Aiban Swer, Seng Khasi Sengkmie da klam u hajrong ka phang wa ong “Ka Niam rukom, dustur, riti ka pyrta ia phi” katwa u Puramon Kynjing, Dolloi Elaka Jowai won da klam u hajrong ka phang wa ong “Ka Niamtre wa hikai yei kyrpang ka jaitbru”.

I pyntip wa emkaam ya ki khon ka Seiñkur Langi

May 11, 2025

Da ki ar tylli ki Drama pynkut ka Chilliangraij ya ka Bamphalar 2025

May 11, 2025

Chooh chooh ha kani ka Dorbar Niamtre da em leh i pynlait paidbah ya ka Almanak 2025 yong ka KKC Seinraij Jowai da u EMH Passah, Vice-President, SRJ wei kyrpang leh i pynkup burom ya ki Tymmen Thangbru ka Raij Jowai, kawa man ka dak i sñiawngooh sñiawburom ka Niamtre Committe, Seiñraij ya kini ki waheh kiwa da chahtre hei wow pyndep ya ka thang ka riñ hawa em i haap i oor yong ki khon ka Niamtre hapoh ka Raij ka chnong iwa man katkam ki hukum adong u Trekirot yow Niawwasa.

Ha kani ka Dorbar Niamtre da em leh ki chaad ki rwai sur tre wa yoophooh yoophieñ wa da chimbynta da ki khon khynroo khyllood na ki Seiñraij waphær wei khaddooh chwa wow poi ka bynta wakut, u Deibha Rymbai, Secretary NTC Seinraij da e u ki kyntien sñiawgooh katwa ka Kongka Siangbood, Langdoh ka Raij Jowai da pynhiar ko ya ka lama wei da pynbna leh wa ka Dobar Niamtre ki khon ka Ri 12 Dolloi-30 Syiem ha u snem 2025 u man ko ha Raij Khonchnong, Laskein Block.