Hapyrdi i phooh i phieñ kut noh ka Lympung ka Seiñ Kyntu Seiñraij 12 Daloi

Ka Lympung wa 28 yong ka Seiñ Kyntu Seiñraij 12 Daloi kawa man ha Seiñ Raij Pammanik, West Jaiñtia Hills dapoi ko cha wakut ha ka 26 tarik uni u bnai dei phooh i phieñ.

Ya ka yalang da pynlai da u Moses Lyngdoh wa u Chanki Nongrum wei hachwa u sdang da yoh i kyntien waiphang na u President ka Seiñ Kyntu Seiñraij 12 Daloi, u Wom Chyrmang, i kyntien ngooh Blai na u Kothauni Ymbon katwa ya i kyntien pdiang burom na u Pet Dhar.

Ya i kyntien sneiñ kyntu da yoh na ki waheh wasian ka Seiñ Raij Nongkynrih, u Kyntuburom Suchiang wa na ka Dreamcyborn Kharkongor kawa man ka dkhot yong ka Seng Khihlang wa na u Joining Dkhar, u Asst. Secretary ka Seiñ Raij Tuber.

Ha kani ka jooh ka sngi da yoh leh u pynkup burom ya ki kattu katni ngut ki bru wa pawkhmat ka seiñ.

Ha kani ka lympung da wan ya chimbynta leh da ki President wa ki Secretary yong ki Seiñ Raij wa ki Seiñ Raij Chnong waphær waphær wa ki hajar ngut ki paidbah.

Related posts

Deiwa yoh chiboon iwa chna thymme ha Aitnar pynkut ya ka Ialong Behdieñkhlam 2026 deiwa phooh wa phieñ

August 10, 2026

Poi 22 tylli ki rot ki rong ha ka Behdieñkhlam ka Seiñraij Muthlong | Nang heh nan san kat dang lai ki snem

August 3, 2026

Da yoh leh ya ka General Report na u Leiky Sayoo uwa man u Genral Secretary ka Seiñ Kyntu Seiñraij 12 Daloi katwa ya i rwai wa i chaad tynre da pynlai da kiwa kitkaam yong ka Arts & Culture Committee, u Harwis Phawa wa u Lumlang Bareh. Hachwa u pynkut da yoh ya i kyntien e khublei na ka Emidaka Iakai.

Ka kyrwoh na u Public Secretary ka Seiñ Kyntu Seiñraij 12 Daloi, u Lakshmon Siangshai.