Hapyrdi i yaam kthang da pyndep ya ka lehniam wa khaddooh u Raja Raghuvanshi

I metyap u Raja Raghuvanshi da wanrah ki cha chnong u ha Indore, Madhya Pradesh ynne i janmiet hadien wa pyndep yeiwa emkaam na Shillong wei dapoi i heipor kamwa 5:00 waje.

Yei metyap u nyngong da lai rah cha yung u na Airport hapyrdi i yaam kthang kiwa ha-yung ha-sem u wei hadien won da lai kit cha i thaw thang yow pyndep yei lehniam wa khaddooh ya oo.

Yeini waroh da wan wow sakhi da kiwa boon ki bru kiwa da pynyoo yei sñiawlem cha ka yung ka sem.

U Raja wa ka kurim u, ka Sonam toh kiwa dang dep bia ha ka 11 tarik u Naisan uni u snem wei ha ka 20 tarik da mih ki yow lai Honeymoon deiwa lai chwa cha Guwahati yow lai psiah ha Kamakhya Temple neitæ da lai ki cha Shillong wa dapoi ki ha thaaiñ Sohra ha ka 22 tarik da kawi ka Scooty wa chim wai ki kawa da chem wa chah ieh ha thaw pynyieñ wa em ha Sohrarim.

Related posts

I kwah su tulop ka sorkar ya ki District Council man ko kamwa wai ya ka synduk wa kset ya kiwa boon ki jait kjut: Mukul

September 3, 2025

Rs. 10,000 lai e u Adelbert cha ki pulit kiwa da chem wym em jia kamwa da kam ka khynnah wa chah dung thyrnia

September 3, 2025

Da antaad wa da wiar ki nadooh ka 23 tarik u Naisan wei yei metyap u Raja da chem ha ka 2 tarik uni u bnai katwa ya ka Sonam ym pu em chem ka.