Hawa em hapoh ka yung dorbar bood ya ki kyndon ham leh Drama, ong u Prestone ya u Ardent

U Symbood Montri Rangbah, u Prestone Tynsong uwa pait leh ya ka chnat Parliamentary Affairs, da ong u wa ki MLA toh u bood ki ya ki kyndon (Rule) wa pynlai dorbar hawa em ki hapoh ka yung dorbar wei ymtoh wow leh Drama.

Hawa klam wa kiwa thoh khubor ynne ka sngi, u Prestone da ong u wa ki MLA ym ye ki wow wow pynbaad hi-eh wei wow pymekaam ya ki kyntien ki wym yahaap hawa klam ki hapoh ka yung dorbar, tangwa toh u booh ya ki kyndon yong ka aiñ pynlai dorbar.

Ini i klam u Prestone toh hajrong i pynbaad u President ka VPP, u Ardent M Basaiawmoit ya u Montri ka chnat puræ puthi ka jylla, u Rakkam A Sangma heiwa u Ardent da ong u wa i klam u Rakkam heipor wa yalap Election man ko pyrchah ya ka VPP wei iwa da wanrah yei sñiaw yasih hapyrdi ki Khasi wa Garo wei hajrong ini, ki MLA ka VPP da mih ki pui napoh ka yung dorbar heipor wa u Rakkam da yieñ u wow e jubab ya ka mat heiyatoh wa i thung ya kiwa sikai skur ha Dadenggere kawa man leh ka mat wa wanrah da u Ardent hi.

U Prestone da ong u wa i rukom pyrkhat yong ka VPP toh lakam wa kiwa em ha ka sorkar da leh ki katwa ngait wei ini man ko iwa bakla neibhah ka aiñ ym chah ko ya kiwon kiwon leh.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

U Prestone u ong u leh wa lada ka VPP ujor FIR ko pyrchah ya u Montri, ka aiñ u lai ko wei daw leh ko yeiwa emkaam wei ym em wa muchlia.