U MLA ka BJP na Pynthorumkhrah uwa man leh u Montri warim ka jylla wa pait ya i chait i khiah, u Alexander Laloo Hek da beiñ joor u ya u Montri Rangbah ka jylla, u Conrad Kongal Sangma hajrong i tyngkheiñ ya ki kyndon namo næ SOP wow yada na u COVID-19.
Da ong u wa miat wow pynsangeh noh ya ki kyndon, hawa u khliehdooh ka jylla ym burom næ bood u ya ki, da pynrap u deiwa ong, kammon u phah bood ya kiwi.
Chooh chooh da ong u, weileh ki kyndon toh du neibynta ki paidbah, ym emkaam kyndon mo neibynta u Montri Rangbah, ki MLA, Montri næ ki heh ki haaiñ. Da ong u wa lada pynkrehkaam ya ki, ki kyndon toh salonsar ya waroh.
U Hek da ong u wa ini i leh u Montri Rangbah toh iwa sarom ya ka sorkar, neibhah wa man iwa bakla.
