Ki le seiñ kiwa kynthup ya ka JSU, JYF wa ka EJNC da yachem ki wa u DFO ka Jaiñtia Hills Division ynnin ka sngi heiyatoh wa ka Compensatory Afforestation heiwa neilianga ka Meghalaya Energy Corporation Ltd (MeECL) da thmu ko wow lai thung dieñ cha Maweit, West Khasi Hills District kawa man kam chibynta ka Myntdu Leshka Stage-II Project.
Kamtæ ki le seiñ da ong ki wa ym ye u pdiang yeini neibhah ka Myntdu Leskha Stage-II Project toh kawa haap hapoh i pait yong ka Jowai Forest Division ha East wa West Jaiñtia Hills District.
Heiyatoh wa i pynchna ya ka Stage-II kani ka Dam, daw hap wow pam ya ki dieñ kiwa em ha i thaw wa heh 11.349 Hectare, hajrong ini ki le seiñ da ban joor ki wa ka chnat Forest wa ka MeECL toh u thung salan ya ki dieñ hapoh Ri-loom Jaiñtia ymtoh deiwa rah cha kiwi ki District.
