Ka Asavaca Symblai kawa na chnong Nartiang kawa lai puræ ha Christian Academy, Shillong, da yoh ko ha ka 20th Position ha ka SSLC Examination 2026 kawa da pynmih Result ynne da ka MBOSE heiwa da yoh Distinction ko ha ki 5 tylli ki Subject wei ki Total Marks ko dapoi 555.
Da khana ko wa da wan puræ ko ha Christian Academy ha u snem 2020 heipor wa em wot ka Lockdown.
Da ong ko wa da khreh kot ko ar kynta chi sngi deiwa pynlai yumut bha (Concentrate) wei kamni man ko iwa da biang.
Da pyntip ko wa nadooh dang khian ym jooh em lai Tuition ko wei manda poi Class-X da lai ko neibynta ka Mathematics wa Science. Heiwa ha Mathematics da yoh ko 98 Marks kamjooh ka Computer Science.
Da ong ko wa iwa chem chitom ko nyngkong hawa wan cha Shillong toh wow klam English neibhah ka wan ko na i chong wa palatsor.
Da khana ko leh wa ym em da pynemkaam ware ko ya ka Guidebook wa e ka sorkar wei da chniah ko ha iwa yoh na ki kot skur kamjooh iwa sikai ha skur.
Discussion about this post