Ka North Liberty Higher Secondary School, Jowai sa chisien da wanrah burom biang ko ya ka ri-loom Jaiñtia heiwa ha ka Result ka HSSLC 2025, da em ko ar ngut kiwa yoh u psiah ha ka thup ka Top-10 ka Science Stream ha uni u snem.
Kawi na ki toh ka Reesa Ee Christine Suting kawa da yoh 5th Position deiwa yoh 461 Marks wei Distinction ha ki 6 tylli ki Subject kawa man ka khon u Waibor Sohlang wa ka Merin Suting kiwa sah ha Lumpariat, Jowai.
Ka Ressa hawa e yei klam da e khublei ko ya u Blai wa kiwa ha-yung ha-sem ko nadooh ka bei u pa, ki payu para, u papun wei kamjooh leh ya ka skur wa kiwa sikai deilang u Principal uwa da wai ki laad ki luti deiwa pynbiang yeiwa emkaam yow heh u san ki wei yei yahluti kiwa sikai.
Da ong ko wa ini man ko i kyrhu u Blai uwa da pynpoi ya ka cha kani ka thong neibhah ka em ki por artatien ko tangwa u Blai da em bait u chirup wa ka wei da pynchlur ko leh ya kiwi ki khynnah wow ngait ki ha u Blai.
Neiliang u pa ko da e khublei wei sñiawngooh u ya u Blai deiwa ong leh wa khon u toh kawa minot wei kam ka yung da e yarap ki katwa ye wei deiwa bood leh yeiwa phah ka skur kiwa da kitkhia wow yahluti wei wow e bor e mynsien.
Da kyntu u ya kiwi ki manbei manpa leh wow e yei kyrchaan ya ki khon ki.
Kam wow pynkynmoo wa ka Reesa ha ka SSLC 2023 da yoh ko hei kyrdan 11th Position.
Discussion about this post