Wiar pyrtuid ka Govt. Girls HSS Jowai ha ka thup Top-10 Commerce Stream wot hawa yoh 6th Position

Ka Government Girls’ Higher Secondary School, Jowai kawi na ka skur wa da yoh u psiah ha ka thup Top-10 yong ka Result HSSLC 2025 ka Commerce Stream wa da pynbna da ka MBOSE ynne ka sngi lyngba kawi ka kynnah pure ka Sophia Niang kawa da yoh hei kyrdan 6th Position, tangwa da pyndiaw wei pynphylla won ya waroh kiwa sikai kani ka skur neidaw wa kani ka skur wym em mih pyrtuid ko.

Heiwa ha ka kyrdan 6th Position yong ka thup Top-10 wa da mih i pyrtuid ka Sophia Niang da thoh ‘A Regular-II Candidate’ khlem da thoh yei pyrtuid ka Government Girls’ Higher Secondary School, Jowai.

Hei yaklam wa ka Principal In-Charge yong ka skur, ka Waisa Sumer, ong ko heiyatoh wa ka Result HSSLC yong ka skur man ko kawa pynhun ya ki kam kiwa sikai nadooh ka Result Science wa Arts wei khamtam ha ka Commerce lyngba i yoh psiah Top-10 ka Sophia, wei kawa man leh ka 1st Batch yong ka Commerce Stream na kani ka skur.

Tangwa i wym mih pyrtuid won ka skur da pyndiaw pynsñiawsih ko ya ki.

Related posts

Daw pynman ka VPP ya ka yalang pynche paidbah ha West Jaiñtia Hills

May 2, 2026

I pyntip wa emkaam cha kiwa daw yaleh ya ka NEET(UG) 2026 ha Shillong

May 2, 2026

Ka Principal khana ko wa hei pyrchang u kylli na ka MBOSE ynne ka sngi, da yoh jubab toh wym em ka Affiliation, wei hajrong kani ka jubab ong ko wa sñiaw phylla ki neibhah hawa ki da man ki katæ ka skur sorkar kammon won hap thooh da ki ya katæ ka Affiliation wot hawa toh ka DSEO næ ka chnat yong i puræ puthi hi wa phah wa pynbor ya ki u sdang ya ka Commerce Stream ha u snem 2023.

Deiwa ong leh i yong sakhiat toh u ong chwa nadooh nachwa lada toh wa hap leh da ka skur, tangwa khlem ong iyi iyi.