Kam chibynta wow lehkmen yei dap 7 snem i lai luti ka Jaiñtia National Council Khliehriat Circle, da lai ki wow e yarap sñiawbha da ki kymmor cha ka Children’s Home Girls kawa em ha Khliehriat West wa pait da ka Child Welfare Committee.
Ha kani ka sngi da emlang leh u President, u Shanborlang Bamon ryngkat wa u General Secretary, u Symboh Baiar Sumer ka JNC-Khliehriat Circle.
Neiliang u Shanborlang hawa e yei klam yahkhmat da kyntu u ya ki khynnah wow man kiwa emakor wa em burom wei wow man ki khynnah kiwa minot wei wow kreh chitom hei puræ puthi yong ki wym hoi u dooh kyrmen ki wei emkaam u kreh chitom wei i kreh chitom yong ki daw wanrah won ya u soh uwa thiang ha ka mynried yong ki, kamtæ da kitbok kitrwiang u leh ya ki yow yoh ki dei chait dei nang.
Neiliang u General Secretary won da e u ki kyntien sneiñ kyntieñ kroo ya ki khynnah kiwa em 23 ngut ha kani ka thaw ri deiwa pynkynmoo wa ki leh em ki ka jooh ka hok wow im ha ka imlang ka sahlang, ka hok wow chimbyntalang ha kiwon kiwon ki kaam wei ka hok wow yoh yei nang i stat khamtam ki khynnah hapoh i rta wa 15 snem.
Da ong u wa u Blai sñiawsuk bha u ya ki le tylli ki rukom man ki bru, itæ kiwa im deiwa khooid, kiwa khooid leh i ktien u thylliej wei kiwa emakor emburom.
Da kitbok kitrwiang leh ya kiwa pait wa pynlai ya katai ka Children’s Home Girls yow nang ye ki u pyndap pynbiang ya ki khynnah.
Discussion about this post