Hei sien wa ar da yoh biang ka Halari LP & UP School Nangbah wow saam ya ki MS-Office Certificate

Ha ka 15 tarik uni u bnai, ka Halari LP & UP School Nangbah da yoh biang ko u saam ya ki MS- Office Certificate ha ka sien ka wa ar cha ki khynnah skur kiwa da pyndep ya kani ka Short Term Course ka skur ha ka yalang pynkup burom wa tip kam ka 2nd Moving Up Cum Felicitation Day.

Ya kani ka yalang da wan sakhilang wa ka N. Nongkhlaw kam ka kongsan wa ka yung ka sem yong ka chirup wa u khon yong ka uwa man u khynnah skur wa nyngkong dooh na kani ka skur uwa da man kam u Doctor katni, neitæ u waheh chnong yong ka chnong Nangbah, u T. Iongwai, u Secretary ka Nangbah School Teachers’ Association, u R. Sungoh wa ki bru ka Jaintia Institute of Technology (JIT) deilang ka Career Advisor ko, ka T. Dkhar chirup wa ki bei ki pa yong ki khynnah skur.

Ya kani ka yalang wa pynman ha pchem ka skur, da yahkhmat da ka L. Dkhar, Assistant Teacher heiwa neiliang ka kongsan hawa e yei klam da yaroh ko yei ku ka skur hei liang i stat i tip, wei da ong ko yow nang pynku chooh chooh chakhmat.

Neiliang u waheh chnong hawa e u yei klam da yaroh u ya kani ka skur wa da wanrah ko ya kani ka Computer Course neibhah wa man ko kawa pynmyntoi ya ka chnong ka thaw yow yoh ki khynnah skur yei nang yei tip chaphang ka Computer khamtam hawa im i ha kani ka juk Technology kawa katni (Digital World). Kamtæ da kyntu u ya kiwa sikai wym toh u chahiehdien wei wow tip ki chaphang kani ka stat ka juk wa katni.

Neiliang yong u R. Sungoh hawa e u yei klam da e khublei u ya ka Halari School wa wanrah ko ya kani ka Computer Course ha ka chnong wei da kyntu u leh ya ki bei ki pa yong ki khynnah skur wow chaniah wei ya krehlang chirup wa ka skur wa kiwa sikai ha kani ka skur.

Ka T. Dkhar hawa e ko yei klam da yaroh ko ya ka skur wa da yoh ko wow saam hei sien wa ar ya ki Certificate kiwa pyndep ya ka MS- Office Course, heiwa da em hadooh 20 ngut ki khynnah skur kiwa da ye u pyndep. Chooh chooh da ong ko leh yow wanrah sa ya ka Career Guidance ha kani ka skur ha u snem wow wan.

Related posts

7 lak tam ki manyung wym emkaam de wow su bordiñ lyngba ka PM Surya Ghar Muft Bijli Yojana

December 16, 2025

Da thooh ya ki thaw wow chna 59 tylli ki thaw thang-bru deiwa e yarap ka sorkar Rs.1 lak kawi

December 16, 2025

Hadien wa da yoh yei klam, da saam ya ki Certificate MS-Office da ki bru ka Jaintia Institute of Technology.

Khaddooh khatwai ka School Managing Comitee da e khublei ko ya kiwa sikai Computer yong kani ka skur wei kyrpang ya u Shanbor Lyngdoh wa lyngba yong oo da ye u wanrah ya kani ka Course ha kani ka skur kawa man ka chlem seiñdur yei stat i tip yong ki khynnah skur ha kani ka chnong.