U Pilot-in-Command ka Air India flight AI2379 hadien wa phah Test biang ya ka nongmuna (Sample) u, da pyntikna wa dih bhang (Marijuana) u, wei uni toh u Pilot wa em hapoh ka lieñsuiñ kawa hær na Phuket cha Delhi kawa da noh syndet 300 ft heiwa da mynsoo 24 ngut ki paidbah wa kiwa pynlai ya ka lieñsuiñ.
Hadien wa jia ini ha ka 4 tarik uni u bnai, mar ya hiar ha Delhi da phah wow Test ya waroh ar ngut ki Pilot heiwa i nongmuna u Pilot-in-Command da chem toh iwa pynemkaam jait dih wa pynmuaid wei da phah ki sa cha kawi won ka Laboratory yow pynyikna heiwa heini leh da pyntikna yei pynemkaam Marijuana.
Waroh ar kini ki Pilot da khang wow yah lieñsuiñ ki hadooh wa pyndep yei takit.
Neiliang ka Aircraft Accident Investigation Bureau (AAIB), da ong ko wym toh u bichaar smat neibhah ka takit dang lai ko wei ye u man iwa jia toh neidaw wa em iwa sih ha ka lieñsuiñ, wa bakla u bru wa kiwi de.
Katkam ka khubor wa da mih, uwa yah ka lieñsuiñ heipor wa jia ini toh u Co-Pilot wei u Pilot-in-Command yieñ u hadien wei heini i por da kieh ka ECAM (Electronic Centralised Aircraft Monitor) kawa e dak wa em iwa thut wei manda pyndam ya ka Autopilot, kani ka lieñsuiñ da ku syndet ko chaneiñ, kamtæ u Co-Pilot da pyndem u ka chapoh wei ha ini i por da jia iwa jia hadooh wa mynsoo kiwa em hapoh.
U Pilot-in-Command heipor wa jia ini da chah kyntiñ u tangwa da ye u wow chong biang yow chimkti ya ka lieñsuiñ.
Discussion about this post